清水灣：建築廢料 隨街棄置
邱先生發現，自今年三月初開始，數星期以來，每逢經過清水灣井欄樹、清水灣道往九龍方向的路旁公共停車咪錶位時，皆發現有建築廢料棄置，且更有不斷增加迹象。「初初都係得三、四包，點知愈堆愈多，明明有個垃圾站喺隔籬，點解總係唔見有人清走佢？」
井欄樹有建築廢料遭棄置，更發現數量愈來愈多。
環境保護署發言人承認，今年三月曾接獲兩宗投訴，惟多次到上址及附近一帶進行巡查及埋伏，均未有在現場發現任何人士掉棄廢物，故未能查察來源。發言人續稱，當局會繼續巡查，而遭棄置的建築廢料則已交由相關部門清理。
「『捕』咗成個月都拉唔到人，查唔到又唔搵第二個部門去清走啲嘢，咁到底幾時先肯搬走嗰堆廢料！」邱先生直指近日途經上址時，仍發現該建築廢料原封不動，不滿調查及清理涉及多個部門，費時失事。
