SUN搞作：SUN辣燙短評：烏賊船
消防處王牌滅火輪「卓越號」，救火卓越不卓越那就不得而知，但其在待命時間變身烏賊，積極噴出陣陣黑煙，污染維港天空之業績達標有餘。老實說，這也怪不得消防處前線人員，廢柴環保署只有一條甩皮甩骨的「停車熄匙」例，車主尚且視之為一紙吉文，對船艇更是拿它沒法。
（設計對白）
再說，噴煙如同食咖喱，乃係消防處優良傳統，君不見時有消防員無視法規，公然在局內快快樂樂地煲煙麼？連前一哥陳楚鑫先生亦粉墨登場，親身示範一下如何「怒噴街頭」，滅火輪也來吞雲吐霧一下，又何罪之有呢？須知消防員不用「唔食飯都要水炮車」、「冇糧出都要水炮車」，船上現成已有幾挺「善良的炮」，要是控煙辦膽敢來干涉，當心水炮無眼唷。
