政壇：花旗培育港大生互啟發
花旗同港大合辦嘅銀行實務課程，年年都吸引唔少學生參加，尋日第十一屆課程閉幕，有四位表現出色嘅同學仔被選中喺花旗香港做Summer Intern。花旗香港及澳門區行長盧韋柏反而多謝番啲同學喺課堂上積極問嘢，啟發起花旗開發新產品嘅靈感添！
盧韋柏（中）同被選中喺花旗香港做Summer Intern嘅四位同學仔互相道謝。
嗱，今期同學仔一樣有得E吓啲講師（即係評核吓啲教學表現），今年嘅「我最喜愛講師」係花旗投資策略及研究部主管Catherine張敏華，班同學仔覺得Catherine教嘅Wealth Management好貼市，無論升市同跌市嘅唔同資產配置都講到。話時話，原來Catherine已經係連續兩屆冧莊獲得呢項殊榮。
