城中鏡：下拍拍：股市狂升唔加碼 黃進達寧揸磚頭
由於北水狂湧南下，令港股好似坐火箭咁升空，帶挈一眾散戶獲利豐厚，康泰旅行社董事總經理Jason黃進達都食到呢轉升浪。
咁啱喺金鐘遇到黃進達（右）同陳建鵬，原來佢哋趕住去見客。
我哋日前行過金鐘巧遇Jason同康泰副總經理陳建鵬去見客，講起股市連番創新高，Jason都笑逐顏開，原來佢都有投資股票。不過，因為佢平日工作太忙，入市策略全部交畀投資顧問負責，由於投資往績佳，佢都甚少過問，等到年尾先睇投資報告，印印腳收錢。雖然股市大派錢，但Jason話唔敢心雄加碼，始終揸磚頭比較好，實際啲咁話喎。
