白鴿黨立法會議員「AV仁」何俊仁早前揚言，會考慮喺立法會否決政改方案前辭職發動變相公投，一向主張辭職發動變相公投以反映民意嘅立法會議員「長毛」梁國雄，尋日接受電視台訪問時就被問到，辭職公投有結果之後泛民主派下一步應該點做？長毛就話︰「作為泛民，如果真係民意改咗，同我嘅初衷唔同，我就會辭職唔做，因為已經代表你唔到！」因此如果公投輸咗，泛民一係即刻辭職，一係繼續做到換屆畀選民踢走，但長毛就形容後者係下策喎。睇怕只係長毛一廂情願，到時真係輸咗，泛民會唔會集體辭職都好難講喇，事關個個都戀棧權位，係辭就一早辭咗啦！

第一手消息請下載on.cc東網iPhone/iPad/Android/Windows Phone Apps