建仔尋晚選出新嘅領導層，一如所料由原任副主席嘅Starry李慧琼當選主席，成為該黨史上首位女主席，陳克勤同周浩鼎就當選副主席，盧文端則接替楊孫西出任監委會主席。

Starry被問到當選黨主席後，會否辭去行政會議成員一職時，佢話喺參選主席前，已同特首梁振英溝通過，佢個人傾向會集中時間處理黨同議會工作，惟有關細節安排稍後會再同特首商討，唔會即晚就遞信辭職，若有消息會公布，接任人選亦會交由特首決定。至於日後會否選特首，Starry稱二○一七一定唔會，但N屆之後太遙遠，唔能夠肯定喎！

第一手消息請下載on.cc東網iPhone/iPad/Android/Windows Phone Apps