市民喺街度見到路政署署長強強，市民立即捉住強強，大嗌「唔安全、唔安全」，強強一頭霧水，睇吓發生咩事。
市民：安全島唔安全嘅！
強強：點會呀，企得喺安全島就安全啦。
市民：弊在燈箱瞓咗喺地，仲露出電線，企喺度嘅人又點會安全呢！
強強：哦哦，你講呢樣，畀人投訴完咪整咗囉，依家冇事啦！
市民：次次都係投訴完先做嘢，唔識早啲做o架咩？
強強：你哋唔投訴，我哋又點知有嘢壞呢！
市民：咁你唔好做署長啦，你乜都唔知嘅！
強強：有邊個返工嘅想認真做嘢吖，冇嘢做就最好！
