同京東商城創辦人劉強東愛得高調又撲朔迷離嘅「奶茶妹」章澤天聽講又有新去向,無講話嫁入豪門,亦唔係返去電視台做小花,而係入創投基金紅杉資本,如果成事,真係會增加紅杉資本軟實力。

雖然「奶茶妹」章澤天去紅杉資本嘅傳聞未經證實,但網絡粉絲已議論紛紛。(資料圖片)

消息未證 粉絲熱議

雖然呢個傳聞仲未經紅杉資本證實,但一眾網絡「粉絲」就議論紛紛,一時話奶茶妹雖然今年清華大學人文科學實驗班畢業,但入去紅杉係實習而唔係做長工,一時又話紅杉係京東股東之一,話劉強東推薦佢入去,一啲都唔出奇。

不過,最開心、最抱有期望嘅,應該係一眾年輕創業者,個個都期待自己盤生意有日畀紅杉睇中,然後奶茶妹可以登門拜訪,大家飲住奶茶傾吓偈,幾咁好!各位年輕老闆,努力加油。

第一手消息請下載on.cc東網iPhone/iPad/Android/Windows Phone Apps