零售市道淡靜，啱啱喺四月一日履新嘅香港品牌發展局一班理事會成員尋日聚頭，一齊探討救亡大計。

黃家和新官上任即決定成立六個行業委員會對症下藥。

新任主席Simon黃家和話品牌局內匯聚唔同業界翹楚，可以針對唔同行業面對嘅問題提供意見，佢哋開會後決定成立六個唔同嘅行業委員會，誓要合力省番靚香港招牌。

生得好高大嘅家得路執董陳家偉亦係新理事，當眾人拍大合照時，佢一時遮住品牌局個標誌，一時同隔籬左右嘅人身高相差太大，顯得好突兀，結果被調嚟調去，好搞笑。

第一手消息請下載on.cc東網iPhone/iPad/Android/Windows Phone Apps