荃灣：小巴違泊 阻電單車出入
「嗰度有電單車位，但有啲小巴就打橫泊喺隔籬，阻住電單車出入，點解唔見有警察理？」在荃灣區工作的黃先生發現，海壩街一列電單車泊位旁有公共小巴違泊，妨礙其他駕駛者使用泊位。
有小巴公然違泊於電單車泊位旁，惹起不滿。
警方發言人表示，接獲轉介後已隨即跟進，惟在多次巡查中均未有發現上述情況。雖然如此，警方會繼續留意上址和加強巡邏，如發現任何違規情況，定必採取適當執法行動。
「唔好等到有人投訴先去理，平時都要巡吓留意吓！」黃先生希望警方正視，並對違規者採取執法行動，以儆效尤，避免通道受阻，影響其他道路使用者。
