SUN搞作：網絡小說：雙貪憶舊主

「其實你點解咁落力搞衰香港？」洗定籮柚等入冊嘅貪湯，又趁住可以呼吸自由空氣，約埋未來囚友貪曾喺天橋底九噏廿四。貪曾聞言也不掩藏，從懷中掏出荷蘭水蓋，隨即特務上身咁話：「一日效忠，一世效忠！我貪曾雖然暫時畀主人遺忘，但係搞衰香港咁小事，我一早收晒柯打，只要好好睇睇，事頭婆始終會記起我嘅！」

眼見貪曾激動到口水鼻涕一齊流，貪湯亦感懷身世，喺褲袋左摷右摷，搵個女王頭大銀出嚟誓願：「事頭婆，到時記住帶埋我走呀！」雙貪憶念舊主，攬作一團，貪曾見女王頭硬幣有得炒，亦趁亂擸埋去，又搵咗貪湯笨喇。