市民搭港鐵返工，喺人來人往嘅月台，見到港鐵行政總裁權權喺度巡視，市民立即上前同權權投訴。

市民：好多人呀，想逼死人咩！

權權：繁忙時間係逼啲，唔想咁逼，你可以等多班車。

市民：唔係話車廂逼呀，係出入口都塞爆。

權權：點會呀？個個站都有幾個出入口，冇理由逼到咁！

市民：寶琳站C出口塞到水洩不通，你哋又唔理！

權權：哦……嫌逼咪用另一個出口囉，好簡單啫！

市民：就算我肯用，其他市民都唔肯用啦，其他出口要兜大圈嘅，咁咪又係解決唔到問題！

權權：唉，其實逼極都係逼一、兩分鐘，點都唔夠車廂逼啦，忍耐吓啦！

市民：你不如叫我彈性上班，咪唔使逼囉！

權權：Good idea！就咁話！

第一手消息請下載on.cc東網iPhone/iPad/Android/Windows Phone Apps