政壇：吳得掂踩車技「驚」四座
教育局局長吳克儉嘅花名叫「吳得掂」，估唔到佢唔止做局長唔得掂，連踩單車都唔係好掂。尋日戴上頭盔嘅吳得掂出席一項單車活動時，聲稱學生時代已經踩單車，講就威，可惜上斜路時就氣喘不止，臨尾仲踩到左搖右擺，真係技「驚」四座。
吳克儉踩單車左搖右擺。
左腳貼咗膠布，原來係踢波整親。
我哋又發現佢左腳貼住塊膠布，佢就話前晚踢波時左腳膝頭對落位置刮損咗。佢笑稱係小事，唔會影響踩單車咁話喎。不過，奉勸吳得掂都係小心為上，佢都自言年紀唔細，仲成日搞到自己損手爛腳，家人都擔心啦！
