政壇：無的放矢吳秋北受靶
工聯會理事長吳秋北身兼標準工時委員會嘅勞方代表，早前喺委員會開會決定研究立法規定僱傭合約要清晰訂明工時後，回應話僱主對標準工時有好大憂慮，叫勞工界畀啲耐性說服資方，聽落好似認同以合約工時取代標準工時嘅建議，事後畀工聯會立法會議員陳婉嫻喺電台批評欠缺經驗應對，指做法係偷換概念，又畀聽眾指摘出賣工人利益。
吳秋北
吳秋北尋日再澄清，標準工時委員會內嘅勞方委員，包括佢自己，並冇講過話接納以合約工時來取代標準工時，而當日委員會見傳媒時只係交代會上討論過嘅內容，無話過會係最終方案。佢又話有人誤導指最終方案已定，係「無的放矢」嘅攻擊，重申支持立法標準工時，解決僱員無償加班嘅情況。
