近排股市熾熱，股民揀股一係當炒，一係長揸收息，總之有賺就得。但係大家有冇諗過，買乜嘢股票都要守家規？金融業出身嘅珠寶設計師Leta劉黃寧達笑稱，佢老公劉守良嚟自律師世家，家規甚嚴，早前佢睇中某隻博彩股，原本想出手入貨，但係諗真啲都係唔敢沾手，怕違反夫家嘅家規咁話。

劉黃寧達

Leta話夫家喺新加坡同馬來西亞嘅法律界享負盛名，家族中人言行都好謹慎，咪話平時唔會涉足賭場，連投資賭股都唔得。早前某隻博彩股表現標青，原本佢心思思想入啲貨，但諗諗吓都係咪搞，萬一畀長輩知道就弊喇！

第一手消息請下載on.cc東網iPhone/iPad/Android/Windows Phone Apps