SUN搞作：網絡小說：白鴿相爭

「點解你要向敵人投誠？」嫩鴿質問。老鴿氣定神閒，「咁點解你要投『英』？」嫩鴿一向以本地鴿自居，豈能受此冤屈？「我幾時有？你咪亂屈我係外國勢力！」

「唔係英國個英，係麻鷹個鷹，我哋身為白鴿，一向係和平象徵，點可以變到鷹派咁激進？有得袋咪袋住先囉，我同你講嘅都係良心話。」聽畢老鴿「萎論」，嫩鴿更是氣憤，「最怕你係此『糧』非彼『良』，咁大個『糧心』，因住個袋唔夠穩，穿袋吖！」

老鴿面對揶揄，毫不在乎，嫩鴿火上心頭，「你點對得住支持你嘅人？」老鴿不屑一笑，「又要我再講一次，我哋身為鴿，最叻就梗係放人白鴿，而且都唔係第一次，五年前都試過喇！」

「砰！」獵槍一響，雙鴿隕落。

「爺爺，我哋今晚食乜？」阿爺輕撫乖孫小良，「一槍雙鴿，今餐豐富囉，紅燒白鴿有排歎！」