小明自幼醉心勘輿學說，拜於名家門下十數寒暑，終有小成。

一日，小明臨窗遠眺，見一女子轉呼拉圈，突福至心靈，遂掐指一算，繼而仰天長嘯︰「豐臀狂扭，勢若巨輪，何其壯觀！必為樓股暢旺之兆。」

小明續注視「樓股」之勢，良久，一陣北風吹過，隨即傾盆大雨。小明見狀，再掐指一算，心中暗嘆︰「北風帶雨，實喻北水。阿爺力撐，股市必火。大吉兆也！」小明不假思索，當下即傾盡家財，投身股海。

午後收市，小明向妻報喜︰「夫人，呢次想窮都難。」其妻聽罷原委，即揮掌狂摑之，小明大惑不解︰「饒命呀！夫人何故大怒？」其妻邊摑邊大罵︰「你有冇睇報紙？嗰個財爺鬍鬚曾話股市唔會爆呀！呢條友次次都估錯數，一睇就知係燈啦，你成副身家放晒落去，呢次我哋真係聽乞米喇！」

第一手消息請下載on.cc東網iPhone/iPad/Android/Windows Phone Apps