上環：後巷衞生差 易生蚊蟲
「條後巷好似臨時垃圾收集站咁，一箱二箱用剩嘅發泡膠箱擺晒喺度，就算平時冇咩人行入去都好，咁多人經過見到都肉酸啦！」上環居民白先生指，不時行經禧利街時發現後巷堆積雜物，認為天氣漸見炎熱，或成蚊患源頭，「本身少人掃就容易積水，簡直係蚊蟲孳生嘅最佳地點。」
禧利街後巷不時堆積雜物，市民要求食環署加強巡查及執法。
食環署發言人證實，過往一年曾接獲相關投訴，經轉介後已派員巡查，期間未有發現雜物，惟仍安排潔淨服務承辦商清洗涉事地址一帶公眾地方，以保持環境衞生。發言人同時承諾，將繼續留意有關情況，適當時採取行動。
白先生認為，區內大廈林立，橫街小巷縱橫交錯，要求食環署接投訴後作調查外，平時亦應勤加主動巡查，「始終舊區都多老人家同後巷，病菌好容易散播開去，始終食環署係負責睇實全港環境衞生情況嘅部門，市民靠晒佢哋執法！」
