來往天水圍與東涌及機場的巴士，班次供不應求，市民喺繁忙時間難以登車，運輸署又懶理，有市民搵運輸署署長茵茵質問。

市民：架車咁多人，我又係中途站，搞到我有車都冇得上呀！

茵茵：包容吓吖，你可以等多班車o架。

市民：等？邊度有咁多時間呀？又唔見你理吓我哋？

茵茵：唔係唔理嘅，咁我都要了解清楚先幫到大家嘛！

市民：咁你仲唔快啲去了解？仲要我哋受苦呀？

茵茵：唔使受苦，我有計仔……

市民：咩計仔呀？唔好玩嘢！

茵茵：其實有好多選擇，巴士唔啱搭，咪搭的士囉，幾容易！

市民：豈有此理，你畀錢呀？**@#^%^&@!!!@!!

第一手消息請下載on.cc東網iPhone/iPad/Android/Windows Phone Apps