政壇：WhatsApp硬銷真普選犯眾怒

依家係一機在手嘅時代，但智能手機嘅廣泛用途，都會帶來新嘅麻煩。譬如唔少人都會裝嘅即時通訊程式WhatsApp，竟畀人諗到用WhatsApp群組賣廣告，令唔少用戶備受廣告滋擾，近日，仲有人倣效設立「我要真普選」群組，夾硬向人傳遞訊息，結果咪畀人鬧爆囉。

（手機截圖）

講開呢類廣告，最常見嘅例子就係補習導師中介公司，亂咁將電話號碼加入群組，方便發送廣告訊息，而最近有人倣效設立嘅「我要真普選」群組，亦用相同手法，但係群組管理人就隨即被加入嘅人夾雜粗口大鬧，指摘佢侵犯人哋私隱，仲有用戶話唔排除採取法律行動，呢個乞人憎嘅硬銷手法，似乎真係分分鐘適得其反。