坑口站外：非法餵野鴿 食署「無發現」
「日日返工行過坑口站出面嗰幾撻空地，都見到成地麵包同米，引嚟好多白鴿。肯定係有人餵啦，你唔係同我講咁啱日日都有人拎米嘅時候倒晒落地下嘛？」將軍澳居民李太指出，港鐵坑口站外常有野鴿聚集，疑有人長期非法餵飼。
坑口站外空地常有十數隻野鴿聚集，食環署卻稱「無發現」。
食物環境衞生署發言人表示，接獲轉介後派員巡查上址，期間沒有發現投訴所指情況。發言人指，署方已在該處一帶張貼海報，提醒市民切勿餵飼野鳥，亦會加強巡查和安排突擊行動，以檢控餵飼雀鳥致弄污公眾地方的人士。
「咁多白鴿周圍飛都話冇發現，依家搞到條路鬼咁污糟！我又唔係要對啲鴿趕盡殺絕，但係啲鴿聚晒喺嗰度真係影響衞生。」李太促食環署繼續跟進事件，以免野鴿傳染病菌及影響環境衞生。
