城中鏡：上影影：「翡翠王子」教路 投資珠寶潛力大
若果想買飾物扮靚又想有投資回報嘅話，可以學香港善德基金會主席「翡翠王后」董吳玲玲嘅細仔Donald董必政咁，多啲發掘同認識唔同寶石嘅價值，回報分分鐘好過買樓。
董吳玲玲（左）同細仔董必政都係愛寶石之人。
Donald左耳戴住嘅碧璽晶瑩剔透。
早前我哋見到Donald左耳戴住一粒超閃耳環，呢粒顏色咁特別嘅寶石既唔係翡翠，亦唔係藍寶石，而係一種叫做paraiba（帕拉伊巴）嘅碧璽，喺巴西出產。Donald話由於產量極少，加上其偏湖水藍色帶少少綠色，十分獨特迷人，因此價值仲貴過鑽石，在短時間內升值咗唔少。
Donald又話雖然香港樓市愈升愈有，但佢冇興趣投資房地產，反而覺得投資珠寶潛力更大。
今時今日穿戴珠寶已非女士專利，佢身邊都有唔少男性朋友對寶石感興趣，大家經常互相交流買珠寶心得。
