早前報道過工聯會計劃派出社區幹事Joephy陳穎欣擔大旗，挑戰已當選三屆深水埗麗閣選區嘅民協KK馮檢基，Joephy更獲建仔嘅立法會議員蔣麗芸跨黨派「加持」。不過，樣子甜美、今年只係二十五歲嘅Joephy不甘只係做「小花」，連上門幫街坊捉蝨乸嘅工作都唔放過，寧願「蝨王欣」上身都要技術性擊倒KK。

陳穎欣將挑戰馮檢基。

陳穎欣上門幫街坊捉蝨。

工聯會上一屆區選派出小花劉桂容，成功打敗空降天水圍嘅李卓人，工聯會自然食過翻尋味。不過，Joephy來頭唔小，佢爸爸係工聯會副理事長陳志光，自己又勤力讀書，先後取得港大同英國倫敦大學學位，早年亦曾為新民黨主席葉劉淑儀助選。

Joephy話始終喜歡服務基層，加上爸爸係工聯會自己友，所以佢加入工聯會就親上加親喇！面對高學歷嘅靚女挑戰，唔知KK有冇特別計仔迎戰呢？我哋搵過KK，但佢正喺內地未能回應。

第一手消息請下載on.cc東網iPhone/iPad/Android/Windows Phone Apps