政壇：張宰榮鍾情去龍脊行山

復活節去邊玩？Joseph話去龍脊行山，話平時同屋企人及朋友去開嗰度行山。唔講唔知，龍脊畀時代雜誌（亞洲版）選過做亞洲最佳市區遠足徑。Joseph嚟香港前喺上海做咗十年嘢，所以普通話絕對唔普通。嚟咗香港年幾，佢好鍾意香港不夜天，覺得好有活力又潮，又話香港生活好方便，特別係的士同港鐵，但佢就覺得香港生活費貴，尤其最唔Like租貴。佢依家租住緊港島老牌屋苑一千呎單位，租金足足係以前上海大宅嘅三倍半，但係Size就細咗一半嘞！

兩個分別十九歲同十七歲嘅囝囝讀緊國際學校，通曉三文三語，除咗母語韓文同英文之外，仲識中文。唔知兩個仔有冇女朋友呢？Joseph笑笑口話「應該冇嘅」。