政壇：林健鋒遊埠唔吼「一長兩短」

唔少立法會議員都計劃喺復活節假期外遊鬆一鬆，身兼行政會議成員同立法會議員嘅林健鋒原本都打算去旅行，不過就因為搵唔到機位而被迫打消念頭。佢話雖然依家啲航空公司已經加開航班，但因近排推出俗稱「一長兩短」、即一程長途加兩程短途機票嘅優惠，價錢約係市價嘅六折，所以機位好緊張。佢又話「一長兩短」優惠係好吸引，不過一向事忙嘅佢就唔會心動，事關萬一唔能夠如期出發，到時加埋改機票等費用，分分鐘得不償失，變咗「三長兩短」喎。