「求吓入啦，狠狠地入啦！」一代「囂」雄征哥，想不到要作如斯沉重的決定－賣股。堂堂男子漢，要出賣彌足珍貴之物，回想當年，扯起紅色大旗，懶理「三點不露」，何等意氣風發，今天卻……「埋嚟睇，埋嚟揀，優質股真係絕無僅有！」

（設計對白）

尋尋覓覓，冷冷清清。

征哥無計可施，決定解開最後防線，拉鏈緩緩鬆開，「睇吓啦！大酬……賓！」皇天不負有心人，終有人駐足留意，「爛嘅……」遭出言侮辱，征哥火上心頭，「我不惜出賣尊嚴叫賣，仲喺個袋到拎啲文件出嚟畀人睇，證明係靚股，你竟然話係爛股？」

「唔係爛股，係爛袋！」原來征哥手挽之袋破了個大洞。過路人欲離開之際，征哥苦纏，「你肯買，我跳多part舞你睇。」過路人猶豫，「你有無牌？」征哥拍一拍心口︰「當然有啦！」

征哥扭動身軀，騎呢舞姿畢露。

「又話有牌？」征哥答道：「依家有，唔代表將來都會有，愚人節快樂！」

第一手消息請下載on.cc東網iPhone/iPad/Android/Windows Phone Apps