政壇：內房老總愛運動 攀山跑步無有怕
咁啱尋日見到朗詩綠色地產主席田明，好明顯比大半年前清減咗喎。原來佢好努力做運動，減咗十公斤，佢仲笑話「因為房地產生意少了，多了時間做運動。」
田明（中）好努力做運動，減咗十公斤。
有朋友邀請郁亮去富士山環山跑五日，佢自言力有不逮婉拒咗。
田總又話呢幾晚喺香港做完嘢，十點幾就落街跑步，香港天氣潮濕，跑一陣就出晒汗，佢話Keep Fit好有效喎。
據知田總亦好鍾意攀山，係「攀」，唔係「行」嗰隻，事關引得起田總興趣嘅，係珠穆朗瑪峰嗰類山，所以係「攀」嘅，佢呢幾年都有組隊同公司同事攀唔同嘅山，征服過珠峰o架！查實，另一位內房老闆萬科總裁郁亮同樣鍾意行山跑步，前排有朋友邀請佢去日本富士山環山跑五日，要跑一百公里，可惜嗰次佢自言力有不逮婉拒咗。
