政壇：沈墨寧珍藏音樂盒多如博物館

大家有冇諗過，男士為機器工藝着迷，可以去到幾盡？生產港產陀飛輪錶嘅萬希泉鐘錶執行董事沈墨寧就幾乎瞓晒身，佢不但對陀飛輪精密工藝充滿好奇心，同時亦沉醉古董音樂盒，買完一個又一個，依家最少有五十幾個珍藏，堪稱係小型古董博物館。不過，佢珍藏嘅唔係小巧可愛嘅音樂盒，而係大型嘅百歲音樂盒，最大嘅足以媲美五斗櫃。沈墨寧話呢啲喺一八八○年代製造嘅音樂盒，至今音色仍然完美，透過更換唔同嘅滾軸就可以奏出唔同嘅弦律，有啲仲做到交響樂團合奏嘅效果，令人聽到如癡如醉。