《貓頭鷹時間》創電視界先河
【本報訊】麗的電視至亞洲電視經歷逾半世紀，雖然收視長年不及對手無綫，但在不斷求變中尋求新招對抗，創下不少本地電視界先河。一九七九年，麗的開闢深夜節目時段，炮製《貓頭鷹時間》介紹聲色犬馬資訊，讓觀眾耳目一新；至八八年亞視年代，再次製作《活色生香》，由李道洪、周美鳳與洪羅拔主持。
藝人心聲
徐小明：亞視節目係集體回憶，喺電視史上留下輝煌一頁。一夜之間冇咗一個電視台，令人講唔出咁難過。
黃秋生：早就應該唔好續牌啦！咁都得。佢呃晒全香港，新聞報道報啲咁嘅嘢，原來又唔係嘅，係流料嚟嘅。早就應該唔續牌啦！
蔡國威：感覺好激動同無奈，點解一個人作孽，要六百幾個員工陪葬？佢（王征）一直做錯好多嘢，搞垮咗亞視。
劉錫賢：冇咩感覺，其實個心都打晒底，最差嘅情況大家都遇過，只係到咗一個大家都唔樂見嘅結果。
汪明荃：政府經過深思熟慮先咁決定，間公司（亞視）已經做到咁爛，冇晒公信力。
黎燕珊：咁多年基業敗喺唔適合嘅人選身上，係個悲慘結局。如果會（亞視員工被）遣散，就祝福大家搵到更好嘅工。
林建明：對亞視不獲續牌唔可惜亦唔唏噓，因為之前個班老闆成日講大話，搞到員工情緒七上八落，依家有咁嘅決定，係一件好事。
盛品儒：自己喺亞視工作咗三年半，離開咗一年多啲，但都好關注亞視，佢係屬於港人回憶，五十幾年陪住成長，依家變成回憶。
鮑起靜：好傷心，獅子山下的香港精神蕩然無存，希望獲發新免費牌照嘅電視台可以快啲起步。
夏春秋：佢（指亞視）依家好似一個垂死掙扎嘅病人，我個人覺得邱德根（亞視前老闆）過身，就好似標誌着要結束。
至八九年，亞視再次把深夜節目時段發揚光大，請來三位才子蔡瀾、黃霑及倪匡主演清談式節目《今夜不設防》，訪問不少當紅影星如林青霞及鍾楚紅等，收視和口碑皆佳。
搶攻深夜節目時段外，亞視九四年在黃金時段出擊，逢星期一至五推出時事節目《今日睇真Ｄ》，由林建明等主持，打破傳統手法，深入追蹤話題性新聞及報道娛樂新聞，收視節節上升，迫使無綫變陣，推出《城市追擊》對撼。而《今日睇真Ｄ》其中一輯羅茲威爾解剖外星人事件，更一連七日播映，轟動全城。
九八年，由鍾景輝旁述，遠赴世界各地拍攝海外華人生活的紀錄式節目《尋找他鄉的故事》，配以喜多郎的樂曲，感動不少觀眾。由於收視和口碑不錯，無綫亦製作類似節目《向世界出發》及《走過烽火大地》等節目。
《百萬富翁》收視撼贏港姐
除了創新形式的資訊節目外，亞視推出新鮮的問答遊戲節目，於二○○一年獲英國獨立電視台（ITV）授權製作《百萬富翁》，由陳啟泰主持，由於獎金豐富形式新鮮，收視最高見三十九點，撼贏香港小姐競選，頓時成為亞視收視王牌。無綫亦有樣學樣從英國電視台購入版權製作節目《一筆OUT消》，由鄭裕玲主持對撼。
