青年工商界日前舉行晚宴,場內有好多二代青年才俊,大家話題講到同父輩嘅溝通,康泰旅行社董事總經理黃進達(Jason)話父親黃士心形象鮮明兼主意多多,佢接手家族生意時,都畀咗唔少心機先追得上,事關佢爸爸鍾意搜羅新事物,每年都一定要去最少四個唔同地方,睇吓有咩新奇刺激嘅發現,又會寫書分享遊歷,分分鐘活潑過佢,所以佢要努力追上爸爸嘅步伐。

黃進達(中)同林智彬(左)分別接手家族生意,右為邱威廉。

中華出入口商會常務會董李美辰亦有類似情況,佢話身兼和富社會企業會長嘅爸爸李宗德樣樣嘢都一諗到就想即刻做,而佢就啱啱相反,凡事都要跟足程序按部就班,有時爸爸一有新構思,佢就會即刻幫手搜集資料,兩種性格反而相輔相成。

第一手消息請下載on.cc東網iPhone/iPad/Android/Windows Phone Apps