政壇：楊章桂芝撐三跑倡搞Outlet代徵費

興建機場第三條跑道（三跑）計劃最近掀起全城熱話，一千四百億元工程造價，加上建議徵收一百八十元機場建設稅，惹來公眾極大爭議。新華旅遊董事總經理楊章桂芝（Cindy）話，開源興建跑道，唔一定要伸手問市民攞錢，喺機場搞名牌Outlet「吸財」仲划算，既吸引本地同海外旅客，又賺到錢，咁就有本錢興建新跑道，毋須擾民。

Cindy日前出席專業及資深行政人員協會午宴，講起三跑，佢話機場的確飽和，所以佢好贊成起多一條跑道。不過，若一旦開徵機場建設費，就要豁免逗留機場不足二十四小時嘅過境旅客喎。