煞車同握左右掣忌僅停前轆
【本報訊】踩單車時煞車看似簡單，實則有「免炒」技巧。有專家教路，遇事時要煞車，無論車速，最佳方法為兩手使用均勻力度，同時按下左右煞車手掣，並養成習慣，切忌只煞一個轆，特別是前轆。
單車「右前左後」煞車操作示範
雙手同步輕握左右手掣，令前後轆同時減速後煞車。
若情況許可，可先輕握左手掣，令後轆減速再煞停單車。
忌先大力握右手掣，令前轆突鎖死，因車尾會飛起將人拋飛。
形動單車隊教練陳政烜表示，即使同款單車，兩個手掣可用於控制不同的車轆的煞車，部分是右前左後，亦有些是左前右後，各有不同，若不熟悉煞車系統，建議同時使用兩邊煞車掣，才不會因「煞錯車」而發生意外。陳又指出，單車徑中間的黃色柱，是用作提醒駕車人士減速，惟不少人「遇柱即驚」，車身便會偏向路邊，或因此碰到路邊矮壆而炒車，建議保持鎮定，並要望向遠處。
香港單車資訊網負責人羅振奇稱，若駕車者較熟悉單車結構及了解煞車系統，除了以雙手同時煞車，亦可輕握尾轆煞車掣來減慢車速後，才完全煞停單車，但亦不宜一下子「夾實」尾轆，因前轆仍有速度，鎖死的尾轆或會「甩尾」，令車身搖擺，「要一下一下慢慢煞」。羅指出，突然握緊手掣煞停前轆為錯誤手法，「當頭Brake太應，夾住前軚太緊，將佢鎖死，會令尾轆嘅抓地力不足，重心就會向前傾，尾轆會飛起將個人拋飛。」即使只輕握煞停前轆的手掣，惟當尾轆速度較前轆快，亦可能發生上述情況。此外，就算行車速度不快，以普通人時速二十公里而言，只要「頭Brake太應」亦會將人拋起。
