SUN搞作：SUN官場現形記：還原基本
梅窩違泊嚴重，私家車泊位總數約有二百個，但運輸署去年共發出一萬二千張「大嶼山封閉道路通行許可證」，有市民就搵運輸署署長茵茵投訴。
市民：泊位得二百個，即係逼民違泊啫！
茵茵：唉，我都唔想，鬼叫搵地起停車場咁難咩！
市民：起樓又話難，起個停車場都話難，咁有咩唔難吖？
茵茵：食告票咪唔難囉！
市民：有冇搞錯，明明做得唔好嗰個係你，點解罰喺我哋度？
茵茵：咁違泊真係唔啱，不過我有辦法……
市民：講啦，有咩辦法？
茵茵：唔好再揸車，搭公共交通工具代步，咁咪唔驚違泊囉！
市民：咁都得？
