香港大學尋日頒授名譽社會科學博士學位予現年九十五歲、樹仁大學校監胡鴻烈,佢兩個兒子兼樹仁副校長胡耀蘇同胡懷中亦有到場支持爸爸。

爸爸胡鴻烈(前)獲港大頒授名譽社會科學博士學位,兩個仔胡耀蘇(後左)同胡懷中(後右)到場支持。

胡耀蘇:樹仁發展須作抉擇

現場所見,胡鴻烈依然眼仔睩睩,非常精靈,問佢有冇諗住退休時,佢仲笑住話有,又話每日都仲有返學。當問及會否將呢份榮耀送畀已故嘅太太鍾期榮,佢就點頭示意會同佢分享。

胡耀蘇代表胡鴻烈致詞時則話,十分榮幸接受港大畀父親嘅榮譽,令佢有機會喺呢度回顧過去六十年香港轉變,又話要喺未來十年屹立不倒並繼續發展,樹仁必須作出艱難抉擇,喺原則同實際兩者兼顧下力求精進,切合社會需要。

第一手消息請下載on.cc東網iPhone/iPad/Android/Windows Phone Apps