SUN搞作：SUN官場現形記：邊個體諒市民？
有市民掩面走到水務署署長星仔面前，星仔大嚇一跳，不知如何是好，慌亂之間，市民突然開口，娓娓道出緣由。
市民︰射到我成面都係……
星仔︰乜嘢咁勁，可以射到你咁？
市民︰下面……
星仔︰咁誇張，唔係啩？
市民︰下面又爆水管，射到我咁，有幾出奇？唉，鬼叫你哋換老化水管換得咁慢。
星仔︰我哋都有難處，你知乜都要協調，要體諒我哋。
市民︰哦，咁好喇，你都要體諒吓我喎。
星仔︰體諒你啲咩？
市民︰水管日日爆，寫封信投訴吓你哋，希望你都體諒吓，接信喇！
星仔︰@##$$%%^
