青嶼幹線係進出大嶼山嘅唯一道路,多年嚟均用「單向收費」,即係車輛前往機場毋須繳費,回程返先一次過繳付來回費用,但的士乘客無論進或出大嶼山,每次都要畀三十元來回程附加費,等同雙重徵費。隨着港珠澳大橋同屯門至赤鱲角連接路於未來幾年相繼落成,當局計劃明年起將青嶼幹線去回程改為雙向收費,運輸署亦考慮取消的士雙重附加費減輕乘客負擔。運輸署署長楊何蓓茵檢討相關措施可算利民,但係佢最好咪齋噏,要盡快落實,否則爭拗只會不停發生。

第一手消息請下載on.cc東網iPhone/iPad/Android/Windows Phone Apps