城中鏡：汪詩詩要仔女抱蛇練膽
家長都希望子女擁有勇敢正面嘅人生觀，甄子丹太太汪詩詩尋日同表妹湛淇清（Jessica）一齊出席活動，講到培養子女，佢透露同仔女去旅行時，都會帶他們去動物園，趁機訓練仔女嘅膽量：「佢哋曾經抱過蛇、蜥蜴等，想佢哋人生乜都試吓，佢哋唔驚，我諗細個唔明，咩都會敢碰。」詩詩咁講，係因為上述嘅動物佢都驚，唔敢抱，但仔女敢試，佢就鼓勵佢哋試吓。
汪詩詩（右）同表妹湛淇清出席活動，分享旅行親親動物經驗。
至於Jessica都大講去美國旅行時抱樹熊嘅經驗，佢話：「樹熊好細隻，但原來好重，好似肥Baby。樹熊會攻擊人，指甲好危險」，幸好佢都無畀樹熊攻擊。
