觀音開庫，市民大排長龍，青年人最希望當然係「借錢」買樓，人群中更赫見運房局局長炳炳身影。

炳炳︰年輕人嚟呢度「借錢」，有啲不切實際喎。

青年︰成功需「父」幹，我無嘅將來都唔會有，惟有嚟求神。

炳炳︰你應該努力啲先啱。

青年︰我依家咪努力求神囉。就算努力工作，唔食唔玩十年都唔夠畀首期。

炳炳︰諗嘢點可以咁灰，將來嘅事邊個知？可能我哋好快就搵到好多地起樓，樓價咪會平囉。

青年︰你都講得啱嘅。

炳炳︰咁仲唔快啲走，去努力工作。

青年︰唔得，信你起到樓，不如信自己中六合彩，你講得啱，將來事邊個知，我要再誠心啲求神先得！

炳炳︰@#$$%%%

第一手消息請下載on.cc東網iPhone/iPad/Android/Windows Phone Apps