中港矛盾愈嚟愈難解,政界人士紛紛獻計,但係有啲橋未必行得通,仲可能會引發更多爭論。好似日前就有人建議將教師到內地上國情課程列為入職要求,被外界質疑呢個要求係想「洗腦」。立法會主席曾鈺成尋日批評呢個講法毫無根據,亦唔尊重香港嘅老師同知識分子。做過中學老師嘅曾鈺成又話,英國統治香港一百五十年,都唔可以洗香港人腦,如果要求教師返內地上國情堂就係「洗腦」,咁就真係太睇小依家啲老師喎。

第一手消息請下載on.cc東網iPhone/iPad/Android/Windows Phone Apps