政壇：每周之星：兜巴星：唔認做數誤導陳肇始盲撐食安

問題食品屢見不鮮，但食物及衞生局嘅食物監察報告，竟標榜檢測食品整體合格率達百分之九十九點八，被立法會議員圍攻，質疑係「做到條數好靚」嚟誤導市民，令市民掉以輕心。有議員批評，食環署食物安全中心處事被動，出事先去抽驗。但係，食衞局副局長陳肇始仲喺度死撐，唔單止否認食安中心工作被動，仲話有時會主動抽驗，有時靠情報。佢又話從人口與抽取樣本數目比例嚟睇，香港抽驗率偏高添。如果佢繼續有呢種自我感覺良好嘅心態，市民要食得安全惟有自求多福。