深水埗：車房離譜 佔用馬路維修
「馬路應該係所有人都可以用，但係依家就變咗做私家路，批咗畀人做車房咁！」李先生不時駕車途經界限街，發現近大南街路段常有車房佔用馬路維修車輛，有礙車流暢通，「泊喺度就要抄牌，咁喺度整車又係咪都係一張牛肉乾？」
在馬路維修車輛而造成阻礙，有機會被罰款五千元或監禁三個月。
警方發言人證實，獲轉介後曾兩度巡查，期間發出八張定額罰款告票，雖未見有人在路上維修車輛，但亦已提醒附近車房負責人。
發言人續稱，根據《簡易程序治罪條例》，如無合法權限或解釋下，直接或導致留下任何物品並對公眾地方的行人或車輛造成阻礙、不便或危害，可被判罰港幣五千元或監禁三個月。
