SUN焦點：八成新生代食飯唔知米價
「食飯唔知米貴」是不少長輩對新一代的觀感，記者在各區進行五十份、來自不同階層的問卷調查，對象為一眾年齡不少於八歲的「二千後」學生，發現當中八成並不知道一包五公斤米約售六十至七十元，更有十一人估計它介乎一百二十至一百六十元；有十二人亦不知道杯麵價格，有小六生認為需二十五元；有四分之一學生不知道乘搭港鐵一個站的車費，「平時嘟八達通冇留意」。答得較「有紋路」的學生僅五個，其中九歲的Macro母說：「佢會幫我買嘢，例如七蚊個杯麵，十九蚊買三個，識格價。」
電子貨幣影響金錢概念
明愛向晴軒智慧理財及債務輔導服務項目主任翁麗萍指出，本報調查結果反映電子貨幣的影響下，令小朋友對金錢的概念模糊，「金錢對於小朋友嚟講好抽象，電子貨幣令佢哋更加冇機會接觸錢，用咗幾多，剩番幾多都冇咩概念。」
她指，購買必需品多由家人或外傭代辦，對物品的價格並不了解，「家長應該帶多啲小朋友去買嘢，要話畀佢哋知貨品種類、分量同價錢，教佢哋點揀，亦要教育佢哋識分『需要』同『鍾意』。」翁續稱，最重要的是教育小朋友儲蓄，學會延遲滿足，切勿衝動消費。
多帶小孩購物從中學習
財務管理是家庭教育重要的一環，香港家長協進會主席陳星達亦認為，現時家長普遍忽略其重要性，「好多家長都冇認真去教小朋友理財，往往就係畀咗八達通佢哋用，但冇去教點用。」他指，中產及基層的理財觀念往往大不同，不少家境富裕的小朋友的八通達更是自動增值，令小朋友「以為啲錢永遠用唔完」。他建議，除了家庭教育，學校亦可加強理財教育，多舉行實戰活動，讓小朋友親自到街市等地方購物，從中學習。
