SUN焦點：貧富「二千後」理財大對決
「二千後」貧富學生大作戰，理財掂唔掂？早前有小六生用五百元搭巴士掀起熱話，令人質疑新一代的理財觀念。為測試新一代，本報邀請來自基層的小五女生及中產階層的中一男生進行任務挑戰，從購物過程中發現「慳家」女生以平價為原則，寧去老遠買平貨，更會在平日將支出寫入「紅簿仔」；反觀「闊綽」中一男生的花費是小五女生的兩倍，以地點方便和貨品質素為首要，更指情急下，會用「大牛」搭巴士。記者亦測試五十名「二千後」，發現八成學生「食飯唔知米貴」。前線社工指，新一代對金錢觀念日漸模糊。
基層家庭 卓瑤（小五）
卓瑤先在超市審慎地逛完一圈，才「落手」選購食物。
卓瑤在超市購買任務中，會選擇較平價的貨品。
卓瑤會自製「紅簿仔」，記錄平日的支出。
卓瑤母親（左）大爆卓瑤一向有記錄支出習慣，更自製「紅簿仔」。
中產家庭 Paco（中一）
選擇餅乾時，Paco揀選較大盒的曲奇餅。
Paco在大型超市完成任務一，他比自己定下的五十元預算用多近八元。
Paco買的文具並非是最平之選，而所選的文具店亦是區內大型文具精品店。
Paco以九十多元完成三個任務。
挑戰任務一覽
挑戰任務：為揀平貨行遠啲
「咩包我都鍾意食，所以唔使揀貴嘅。」十歲卓瑤進行第一項任務，是購買學校旅行食物，她先步入麵包店買店內最便宜、價值四元的餐包。她知道家附近選擇較少，寧步行逾二十分鐘到超市，逛完一圈後才鎖定要買的食材；而所選購的食物亦是貨架中最便宜，被問及為何最想買價值四元三角的蝦條，她回應：「因為最平又好味！」
第二項任務是添置新文具，卓瑤卻指很傷腦筋，因她認為毋須就新學年買文具，堅持「夠用就得」，「家姐考DSE操卷，一日用一支筆，我會揀買筆畀佢。」她花上十五分鐘步程到鄰近屋邨，目的為買平貨，卻因店舖沒開，惟有返回附近商場購買兩支價值兩元的原子筆。至於買生日禮物予母親的任務，卓瑤反思從未送花給她，因此決定購買兩支總值八元的康乃韾聊表心意，並指「我估媽咪唔想收奢侈嘢」。
日常生活：自製紅簿仔理財
出身基層家庭的卓瑤坦言，出生至今，只見過數次「大牛」，認為用五百元乘巴士會「肉赤」，「係都用嚟搭的士啦！」她稱平時沒有零用錢，有時與同學一起步行回家，只為慳錢；平日她參加的課餘活動如英語和素描班等，全部為免費課程，「唔用素描筆，普通鉛筆一樣啫！」
對於卓瑤的任務和平日理財表現，其母親表示合格。卓瑤母更爆她有記錄每次支出的習慣，自製「紅簿仔」，理財有道。不過卓瑤對普遍的消費項目概念則表現平平，她坦言，不清楚醫生診金、港鐵車費和米價。
挑戰任務：顧及需要唔貪平
平日在住宅附近購物的Paco，是次挑戰在紅磡黃埔完成。任務一，他要自行選擇購物地點，「我會去大型超市，因為夠大同埋選擇多。我好少去啲士多，因為媽咪話買嘢最緊要方便同近。」在超市內，Paco跟着清單選購，不消半小時完成任務，共花費五十八元二角。最貴一項是二十五元的罐裝曲奇，其次是十五元九角的盒裝朱古力，另外亦買了包裝朱古力、方包及蒸餾水。
問到去學校旅行為何會選擇較貴的罐裝曲奇，Paco解釋︰「我會請埋其他同學食，所以揀咗分量多啲嘅，朱古力就係揀自己鍾意食嘅。」至於Paco選擇的蒸餾水，價格原是六元兩支，但他買了一支，「我只係需要一支，所以唔會為咗平少少買多支。」
任務二，Paco花了三十多元購買原子筆、鉛芯筆、螢光筆及改錯帶。就記者所見，Paco買的文具並非是最平之選，而所選的文具店亦是區內大型文具精品店，價錢較其他文具店貴。他指，平日購買文具首要考慮是「好唔好用」，「價錢都會睇，但多數都會買番平時用開嘅文具。」但在任務三，Paco就只花費一元買畫紙製作卡片送給媽媽，節省又貼心。
日常生活：情急會大牛搭巴
生長在中產家庭的中一名校生Paco，每月除了有一百元零用錢，平日亦會花費十至三十元購買零食。記者問他，若趕着回校，登上巴士才發現八達通「負錢」，銀包又只得「大牛」，會如何處理？Paco指，如無法即時落車增值，會「豪畀佢」投入「大牛」，「都冇辦法，惟有畀。」
Paco母親指，兒子甚少要求購買玩具，只喜愛購買課外書，「我都有同佢開個戶口，佢都會儲錢入去，平時好少買嘢。」她指，由於自己亦是「貪方便」，所以曾教Paco「買嘢最緊要方便」，「佢依家開始會買嘢睇價錢，揀啲平啲嘅買，我都好驚訝。」
