康文署外判商以無法按現行合約經營為由，單方面宣布即時停止在圖書館的運作，大批執書人員被終止合約無得撈，奇就奇有員工擔心二月份薪金隨時凍過水，但為免影響公共服務，仍捱義氣做多一日，簡直係「感動香港十大人物」之首，睇嚟「亞視精神」已經落地生根，潤物細無聲！

正所謂「執輸行頭慘過敗家」，原來最最最「執輸」就係喺公共圖書館做「執書」呢個行頭，以前光棍佬教仔真係冇有錯呀，所以話呢，千祈唔好信啲離地友講嘅「萬官皆下品，惟有讀書高」，依家毅進仔嘅出路好過大學生多多聲，現實嘅真相係「百無一用是書生」。各位小朋友，當阿媽鬧你唔好好去圖書館讀書，記住義正詞嚴同佢講︰「企硬，執書衰硬！」

周一至五刊出

第一手消息請下載on.cc東網iPhone/iPad/Android/Windows Phone Apps