求醫無保障補一隻甩幾隻

【本報訊】無牌牙醫收費較便宜，惟他們並沒有取得本港認可的專業資格，治療方法亦可能出現問題，令市民得不償失。有業內人士透露，無牌牙醫為免出現嚴重意外，一般不會替病人拔牙，反而較多會為病人安裝假牙，一般的註冊牙醫固定假牙會先磨細兩旁的兩隻牙齒，再以連接假牙的牙套套上，而當中牙齒倒模的製作需要「做得好靚」，以確保製成的牙套可完全切合牙齒的形狀。

不過，不少無牌牙醫只會「求其磨兩磨啲牙」，再以現成的牙套套上牙齒，除牙套的合金可能有毒外，牙套亦因為不是度身訂造，未必完全緊貼牙齒形狀而留有空隙，容易孳生細菌導致蛀牙及牙周病，最後「補一隻假牙，好快甩多幾隻」。

○八年曾有一名地盤女工，因牙痛到無牌牙醫求診，並因拔牙而需要服用消炎藥物，雖然事前事主已告知醫生她對青霉素敏感，但醫生仍開出含有青霉素的藥物，令事主全身起紅疹。