立法會主席曾鈺成同秘書長Kenneth陳維安，今起一連五天訪問日本東京，兩人期間將到訪日本國會、參觀企業機構、同多個團體會晤，又會到日本外國特派員協會演講。曾鈺成亦會禮節性拜會中國駐日本大使館公使兼臨時代辦韓志強，並同喺東京定居嘅港人會面，兩人將會喺星期五返港。

唔同其他議員可以不時去外國考察同訪問，由於曾鈺成平日要主持會議，所以要趁立法會休會期間先至可以出發。適逢北京依家開緊兩會，立法會休會兩星期，曾鈺成就可以抽空出國考察。

翻查資料，曾鈺成之前甚少出國拜會其他國家國會，佢前年同Kenneth去過英國倫敦同當地國會議員會面，之前又去過韓國同以色列，去日本應該係第一次喇！

第一手消息請下載on.cc東網iPhone/iPad/Android/Windows Phone Apps