政壇：港台派藍傘 扭親「民」作風？
香港電台《城市論壇》一直被反佔中人士批評立場親泛民主派，但港台尋日就向每位出席論壇嘅嘉賓送上一把藍色雨傘，立法會議員鍾國斌仲興奮到攞住把藍傘影相添！莫非，港台知道自己平日作風唔夠中立，所以要派藍傘撥亂反正？
鍾國斌好興奮撐藍傘影相。
論壇主持謝志峰否認派藍傘有政治含意，話港台一直有送雨傘畀出席論壇嘅嘉賓，但早前由於存貨用盡，佢哋要搵公司訂造一批新雨傘。
謝志峰之後又自爆，一眾人員喺揀雨傘嘅顏色時，其實都有諗過整黃傘，但製成品效果無預期咁理想，所以先決定整藍傘配合港台電視部嘅藍色主色喎。
