SUN搞作：少膽虫手記：不打白不打

一拳兩拳三四拳，拳拳到肉；五錘六錘七八錘，錘錘錐心。

「以為咁就完？送多你一招升虫霸！」少膽虫大喝，一團肥肉彈開幾丈遠。「打九拳，你真係當我狗咁打？」謎之聲響起，少膽虫定睛一睇，竟然係淫賤黎。面腫如豬嘅淫賤黎怒道︰「枉我見天氣咁凍，就學慈母咁關心你，想問你使唔使着多件衫，你敢打我？」

少膽虫自知惹禍，惟有將計就計，動之以情，「腦細，對唔住，一時錯手，你既然係慈母，就原諒吓我呢個仔！」淫賤黎沉默不語，少膽虫繼續游說，「我呢個仔平時咁乖，出錢供養你……」

未講完，一道黑影倏地閃至，少膽虫痛不欲生，淫賤黎笑謂︰「少膽虫，你唔知慈母最鍾意就係打孝子嘅咩？唔好講咁多，看我手中棍啦！」