SUN搞作:SUN官場現形記:電話「空」靈
醫管局有關查詢思覺失調熱線出現語音系統失靈嘅情況,令市民求助無門,一怒之下就打電話畀醫管局行政總裁賢賢,發洩一番。
賢賢︰喂喂,搵邊位?
市民︰仲要問,打得畀你就梗係搵你啦!
賢賢︰哦,咁因咩事要搵我呢?
市民︰你哋條思覺失調熱線有問題呀!
賢賢︰有問題?斷估唔係啲線黐埋啩。
市民︰係語音系統失靈,你話我知點算?
(電話另一邊突然無聲。)
市民︰喂?喂?
賢賢︰你所打嘅電話,語音系統暫時失靈,請遲啲再打過嚟啦。
市民︰@#$$%%^^