政壇：王庭聰買樓當細女嫁妝
舊年長女出嫁嘅香港福建社團聯會副主席王庭聰，今年底將為細女結婚擺酒宴客。記得當年佢送咗一層大埔豪宅畀大女做嫁妝，仲話幫仔女置業係做父母嘅責任。咁細女結婚送乜好？佢笑住話：「照舊！」佢仲好輕鬆話，樓價升冇所謂，幾貴都瞇埋眼照買喎。
王庭聰（左）家有喜事，陳勇都戥佢開心。
早前聯會舉行羊年新春團拜，除王庭聰外，仲有新界社團聯會理事長陳勇、百仁基金副會長Johnny楊華勇同消費者委員會主席黃玉山，聯會主席吳良好、榮譽主席林樹哲同永遠名譽會長施子清等人都有到場。王庭聰人逢喜事精神爽，講起嫁女就笑不攏嘴，佢話已經買定層樓畀細女做嫁妝，地點一樣喺大埔。咁呢層樓咪貴咗好多？佢就話，幾個子女一人一間屋，實行繼續做好爸爸。
